PR.No. 03/2021 PRESS RELEASE
CHHIM LAM MIPUI HMUSITTU MNF SORKAR
Lawngtlai, 4TH JUNE, 2021: Vanduaithlak takin Mizoram pawhin nikum 2020 hun engemaw chen atangin a takin Covid 19 hri kan kai ve ta kha a ni a. Mipui kan ralkhelin, kan mangang takzet a nih kha. Mipuiin sorkar kan phutna a sang em em a. District tinah natna hrik hmuh chhuahna khawl neih kan duh a, mahse sorkar pawhin tihngaihna a hre lo a, US lamah hial an chah ta a ni. Chutiang taka mipui leh sorkar a buai lai chuan Virus hmuhna khawl rintlak bera ngaih RT-PCR chu Pu Zodintluanga MLA in sorkar leh mipui barakhaih dawtin Lunglei Civil Hospital ah a phur thleng a, Covid hri kai chak leh zuala hmuh a nih theih nana hman a tan Damdawi In thu neitute hnenah a pe a, thawktu te mai ni loin, chhim lam zawng chu min chawm thei dawna kan rin avangin, chhim lam mipuite kan lawm hle a ni. Amaherawhchu; sorkarin kum khat chhunga chhim lam mite tana hman theih pawha a buaipui duh lo hi demawm kan ti a. Covid hri kai kan pung tual tual a, mipui kan ral-khel tual tual bawk a. Sorkar lahin chhuanlam fahrah tete sawiin ruahmanna a taka hmuh theih a siam duh chuang lo a. He thil hian chiang taka a tarlan chu MNF Party sorkar hian Covid do na ah hian hnam anga tanrual pui a duh loh zia leh chhim bial mipuite a hmusitna, an hriselna dinhmun a ngaipawimawh loh zia, leh dinhmun derthawngah pawh awm mahse pawi an ti loh zia tarlanna ah Lai DCC chuan a ngai a ni. Mipuite hriselna lama hmalakna tur pawisa a awm lo an tih laia, an duhna lam lamah erawh pawisa hman tur he sorkar hian a nei reng si te hi thil mak tak a ni.
Hei chauh hi ni loin, kan MLA zahawmtak Pu C.Ngunlianchunga MLA pawhin Cancer veite hman a tana Cancer Hospitala a pek Ambulance pawh vawiin thlengin number nei loin hnim zingah an dah mai mai a ni. Chhim lama MNF MLA te pawh mi hek tur ringawt ngaihtuah lo turin leh he thilah hian ngawi reng loa khawl hi mipui tana hman a nih theih nana hma la turin kan phut bawk a ni. ‘Pathian leh kan ram tan’ ti tute hian “Politics a inchirhtheh hun a ni lo, hnam anga tanrual hnam anga tanrual hun a ni” an mizia an thlaka tanrual pui theih turin awm rawh se.
Tun laiin mipui ten Covid 19 avanga thinthi leh ralmuanga kan mut ngam tawh loh lai pawha, chhim lam mipuite hriselna ngaihtuah lek loa, opposition MLA pek a nih avanga hma a la duh lo leh Cancer veite hman tur Ambulance a ngaihven duh lo hi, mipui aiawha thlante thamlohna leh chhim lam mite hmuhsitna ah Lai DCC chuan a ngai a. Election laia mipui vote chauh duh loin, sorkar hnu pawha min ngaihsak ve turin kan phut a, hetiang taka chhim lam mite min ngaihsak duh loa min hmusit hi Mizoram Chief Minister Pu Zoramthanga hian Chhim lam tan pawh Chief Minister a ni ve tih in hre nawn se la, CM Relief Fund pawh rualkhai zawka sem tawh turin leh MLA te thil pek hi mipui tan hman theiha buatsaih ngei turin Lai DCC chuan a phut a a ni.
Issued by : Lai District Congress Committee, Hqrs : Lawngtlai