Chawngte ah Home Isolation tihtlem tum

 Lawngtlai Bawrhsap Dr Andrew H.Vanlaldika chuan Chakma Autonomous District Council huamchhunga hri darhmek chhuchat turin hrikaite, a tamthei angber CCC leh 4C ah dahlut tum a ni a ti.

Lawngtlai Bawrhsap chuan CADC huamchhunga hrikai an punna chhan chu mahni In lama hrikai inenkawl an tam vanga nih thu leh Home Isolation chu a nihdantur anga kalpui a harsat vang a nih thu nimin a DLTF Meeting ah a sawi a, hrikai te chu CCC leh 4C ah a tamthei angber an luh theih nan hmalak mek a ni a ti.

Hetihlai hian vawiin khan Lawngtlai District Magistrate chuan Karlui-I chu hrikai zawnchhuah  leh hri darhtur venna atan hmalak a awlsam zawk nan    Containment zone ah puang.