CEM in AH&Vety, LADC Ultrasound leh Help line a hawng

            Mizoram chhimlam a awmchhun, ran damlo enna Ulatrasound khawl  leh AH&Vety LADC Help Line, vawiin khan Lai Autonomous District Council a CEM, Pu  Manghmunga Chinzah chuan hmantheih turin a hawng.

            LADC a AH&Vety Department in ran damlo enna khawl thar a neithei chu lawmawm a tih thu CEM chuan sawiin, ran vulhtuten tangkaizawka an hman a beisei thu a sawi a, mihring leh ran te chu inzawmna thuktak nei kan nih vangin, ran hriselna ngaihpawimawh kawngah mipui thangharh mek dolet theitura AH&Vety Department inbuatsaihna chu thil lawmawm tak a ni a ti.

            CEM hian ran damlo chungchang leh AH&Vety Department LADC berawn duhtan Telephone hmanga an biakpawhna tur Telephone line a hawng nghal bawk.

            Vawiin a LADC a AH&Vety Department khawlthar hawnna ah hian Executive Member AH&Vety, Pu Sanghuliana Mualchin pawhin thusawiin, CEM chuan ran vulhtuten harsatna an neih sutkian a nihtheih nan a thahnem a ngaihna vangin Ultrasound khawl neithei an nih thu a sawi.

            Dr Lalnunpuia Chinzah chuan khawl an neihtheih dan leh a tangkaina sawiin, Mizoram chhimlam ah Sorkar in ran enna tur Ultrasound a neih hmasak ber a nih thu a sawi.