Vaseikai ah Assam Rifle leh Police ten Silai zen Kg 136 an man



      

          Assam Rifle, Lunglei, thuchhuah a tarlan a nihdanin, Headquarter Inspector General Assam Rifles (East) leh Headquarter 23 Sector Assam Rifles hnuaia Lunglei Battalion Assam Rifles chuan report an dawn bawhzuiin May ni 25, 2021 khan Longpuighat/Vaseikai khuaah beihpui thlakin, dan phal lohva zawrh, silai zen (gun powder) Kg 136  an man.

        Lunglei Bn Assam Rifles hnuaia COB Parva-a sipaite leh Vasekai Police Station-a police-te inkawp chuan beihpui hi an thlak a. Vaseikai khuaa dawr pakhatah puak thei thil an kawl tih thawm an hriat bawhzuiin, an rinhlelh dawr chu ngun taka an dap hnuah ip chhunga a khata silai zen lo awm chu hmu chhuakin, silai zen leh a kawltu Nidhan Dey chu an man nghal a ni. 

        Assam Rifles hian vawi tam tak Mizoramah ram chhung himna leh muanna tichhe thei zawnga chetna hrang hrang dovin beihpui an lo thlak tawh ṭhin a. Mizoram chhung leh India leh Myanmar inrina ramri bul vela remna leh muanna a awm theih nan an thawh hlawk hle a ni.

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post