Ruahsur vanga harsatna thlenna hmun DC leh Addl.DC ten an tlawh

        Nimin tlai a ruah bawhawk sur vangin Lawngtlai-III a leitlakhniam thinna lai a National Highway-54 chu a khi a awm nual a, vawiin khan helai hmun hi Lawngtlai DC Dr Andrew H.Vanlaldika'n a en

        Lawngtlai-III leitlakhniamna lai ah hian kum tamtak chhung chu fur laiin harsatna a thleng thin a, National Highway a pin chang pawh a awm fo a, tunhnai khan helai kawngpui chhelai hi a thlanglam a Lung remin siamthat a ni a, nimin a ruahsur vang khan kawngpui thlanglam pang chu tlahniamin a khi nual a, Lawngtlai DC chuan NHIDCL hotute chu a ranglam a siamthat hna thawk nghaltur a hrilihin, Lawngtlai-III khawtlang hruaituten, tuihawk luankawr chungchang an sawi pawh DC hian Company lam chu khawtlang hruaitute nen ruahmanna siam hova, tuihawkluanna pawh siamtha tur in a hrilh nghal.

        Vawiin vek khan Additional DC, DRDA Project Director Pi Marilyn Rualzakhumthangi pawn nimin lam a ruahsur vanga khawpui chhung veng hrang hranga harsatna thlengte a hmunah a en a, khawtlang nunphung tibuai nasa thei khawp chhiatna thleng awm lo mahse, leimin leh tuiluankawr siamthat dantur te VC te nen a hmunah ruahmanna an siam.

        Lawngtlai kawtchhuah Mampui kawng leimin a hnawh pawh nizan la la khan thianfai nghal a ni bawk.