DC in Executive leh VLTF Duty-na hmun thenkhat a tlawh

       A nitelin Lawngtlai a Hripui leng vanga inkhuahkhirhna chu a khauh chho zel a, vawiin  khan Lawngtlai DC, Dr.Andrew H.Vanlaldika chuan Executive leh VLTF te duty-na hmun thenkhat a tlawh

        Vawiin atang khan Lawngtlai a Veng engemawzat chuan Sorkar thupek zawmin, mahni veng pawnlam a hnathawh an remti lova, tulpawimawh zual tak takte tihloh chu VLTF te pawn pawnchhuah phalna an pek,loh vangin khawlai a reh hle.

        Executive leh VLTF te duty-na hmun thenkhat chu Lawngtlai DC in a tlawhin, a hnathawhdan a enpui a, VLTF lam ten inkhuahkhirhna kalpui mekah, khautak si, mipui nawlpuiin harsatna lianzawk an tawhlohna tur a ngaihdan an neih te DC hnen ah hian lo thlenin, Dr Andrew H.Vanlaldika chuan VLTF te chu hri do kawng ah a hmatawnga ding, kawng hrang hranga Sorkar in kut ke ber a a neih an nih thu sawiin, rawtna an thlente chu District Level Meeting ah ngaihtuah a nihtur thu a hrilh.

        Hetihlai hian  Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia 15 manin, he'ng an mi mante hi pawisa ₹ 2,500/- chawitir an ni a. COVID-19 vanga inkhuahkhirhna kalpui chhung hian dan bawhchhia mi 281 man tawh niin, pawisa chawitir zat hi ₹ 28,950/- a tling tawh a ni.