Officers' Club Lawngtlai ten, Rs. 1,10,000/- DLTF ah an hlan

        

         COVID-19 hri leng vanga total lockdown kalpui mekah Lawngtlai District-a chhuanchham leh ṭanpui ngai tak takte tan Officers' Club Lawngtlai (OCL) member-te chu a ṭum hnih nan luang chhuak lehin, member-te sum thawh khawm Rs 1,10,000/- (cheng nuai khat sing khat) chu vawiin khan Lawngtlai District Level Task Force on COVID-19 (DLTF) kutah an hlan a. DLTF Chairman Dr Andrew H. Vanlaldika'n lo dawngin, mi harsa zawkte tana ṭhahnem ngai taka insawr chhuak ṭhin OCL member-te chungah lawm thu a sawi a ni.


        OCL hi kum 2017-a din a nih aṭang khan Krismas vuakvet leh hun hrang hrangah mi harsa zawk leh a mamawhte tan member-te sum thawh khawm hmangin an lo luang chhuak ṭhin a. COVID-19 hri leng boruakah pawh nikum April thla khan DLTF-ah ₹ nuai 1 lo hlan tawhin, tunah hian a ṭum hnih nan an che chhuak leh ta a ni.

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post