Lai Autonomous District Council a Executive Member, Information & Public Relations changtu, Pu T.Lalengmuana chuan, LADC Sorkar chuan theihtawp chhuahin Hripui do nan hma a lak thu leh State Sorkar chuan Council in pawisa a hmuhtur te duhsak takin a pe tih a sawi.
Pu T.Lalengmuana hian vawiin khan Lawngtlai District MJA te, thingpui inpuiin, LADC Sorkar chuan Hripui dona ah Council huamchhungbik ah theihtawp a hmalakna a kalpui bakah State Sorkar hmalakna ah, tha tichakturin theihtawp a chhuah mek tih sawiin, District Hospital a thawktu indaihlohna phuhruk nan Laboratory Techinician pathum Council chuan a ruai mek a, hmun hrang hrangah Vaccine pete hman atan Motor a pek bakah Council Staff engemawzat chu Hrido turin an penchhuak a ni a ti.
Pu T.Lalengmuana chuan hripui vanga sum harsatna thleng mek ah, State Sorkar chuan kum kalta Budget ang chiah LADC Sorkar chu a siamtir tih sawiin, tunah pawh Council in sum a hmuhturte chu an beisei phakloh in, State Sorkar chuan a pechhuak tih a sawi.
LADC a Informatioan changtu Executive Member chuan Lawngtlai District MJA ten Journalist Pension atan a an hmantur LADC Sorkar in Budget a a dahsak Grant in Aid to MJA pawisa cheng Nuai khat MJA hruaitute hi a hlan bak ah, Hripui laka invenna tur hmanrua a pe bawk
Tags
News