Tunkar chhung khan khan, Lai Autonomous District Council a Local Administration enkawltu, Exercutive Member, Pu T. Lalengmuana, chuan LADC huamchhung khawthlang lam fangin, khaw hrang hrang dinhmun leh an mamawh leh hmalakdanturte a en.
Pu T. Lalengmuana, chuan Village Council -te mahni tihtur leh hna ngai pawimawh a, an hnathawhnaah hlep um a thil titur an ni lo tih hra nawn tur a chahin , khawtlang tan rotling hna thawh ah intlansiak tumse a duh tih a sawi a, VC-te chu 'mipui aw' ngaichang thiamturin a chah bawk.
Khaw thlang khua hrang hrangah sum a kal hnem tawh tih sawiin, a taka hmalakna hmuhtur mumal awmlo chu a hrilh hai thlak hle a ni, a ti a. VC-te chu rilru leh thinlung thar pu a, khawtlang hmangaihna tak tak nena hnathawk turin a duh tak zet thu a sawi. Local Body Fund atanga VC hnathawhte en nghalin, Scheme thar GDPD atanga fund lokal tura khawtlang hruaitu VC te nena hmalak hona turte an sawiho nghal, a ni.
Pu H. Lalhmingmawia, Member, Planning & Dev. Comtt LADC, General Secretary, MNF Dist. Hqrs. Lawngtlai nibawk chuan Pu T.Lalengmuana hi tawiawmin, VC te chu khawtlang nu leh pa an nih thu te, an zarah khawtlang a ralmuang tur a ni a, an rorelna hnuaiah khawtlang mipuiten lungrual takin ke an pen tur a ni, a ti a. "Pu Manghmunga Chinzah, CEM, LADC kaihhruai MNF sorkar chu a nghet a, a kaihhruaina hnuaiah Lairam mipuiten beiseina sang tak an neih thu a sawi
Tags
News