Politics hi mitlemte ten hlawkna an hmuhtheihna tura, mi tamtak ten at an sona ang a sawi a nive thin a, a dikna lai a tam ngawt ang.
Heng vote lei, mahni leh laina hnaite duhsak a inhaivur te, a tam mai, tuna Politician ten an tithei ni a kan hriat leh titur a kan duh tam tak hi, Politics in thilthalo a kentel, kan vulhlen tlat si an ni awm e.
Myanmar ram a buai a, mipuiin an hruaitute thlavang hauhvin, mipui rorelna tundin an duhzia an lantir a, hruaitu langsar, ramin a rinbik an nei. Keini hi inen chhin ta ila, kan Politician te zingah, tute hi nge, tuna kan thlenchin bak atanga hmalam minpanpui anga, tutenge, awmzenei a hmasawnna tur duang ngam tih hi mipuiin an thlir zing ami a ni maithei.
Hetiang ang kawng min zawhpuitur hian, midang an awm chuanglo, tuna kan Politician te hi an tha tawk em em a ni tih pawm ila, a pawimawhlai ber chu, kan Politics hian ram hnuk a khawih phak a tul a, hetatang hian awmzenei zawka hmasawnna hi a awmthei ang.
Sum neihbelh a, thuneihna neih belh hi duhthusam a ni a, hetiang hun ramin a la thlen hma pawh hian, a awmsa hi awmzenei zawka kalpui ngam a tul a, MR thahnemtak pawh ban ngam Sorkar hian, an mahni duan ngei Budget an neih hun ah phei chuan, ramin hmelthar hi a hmuh ngei ngei a beiseiawm khawp mai.