District Council vanga ramin hamthatna a neih hi sawisen a nilova, a hlutdan hi, tehfung lek a, tehchhuah chi a nilovang.
Mizoram a District zing ah Lawngtlai District hi mahnia intodelh tamlam ah a chungnung pawl a nih a rinawmloh a, helai tak hi hmalam hun tithimtu a ni thei tih ngaihtuah fo a tul a ni.
Ram a tam a, tangkaitaka leilung behchhan a sum hailut erawh an tam silo, KMMTTP kawngpui a kal ruak a, NH-54 an laizau mup mup a, engtikah emaw chuan Rel kawng pawn a la rawn chhun ang. Heng inkalpawhna kawngte hi engtinnge ram mipuiten an lo hmantangkai ang.
Tunang a hmalam thlir thui lemlova kan awm reng chuan, Driver ho meizialbung leh Motor Engine khu bak hi chantur mumal kan neilo thei tih hi kan pawm ngam a tul a, ramdang nen a insumdawn tawnna ah hian, a chhawrtangkai thei bertur hian kan chhawr mumallovang tih hi a hlauhthawnawm khawp mai. A hunlai a kan harh loh chuan, kan hmabak hi a thim viau in a rinawm.
Khawvel chu a taima leh tihtakzet a beitute tan a hausakna haichhuah theih a ni a, Sorkar a mithiam tak tak te pawh hian, District in a hawilamtur hi duangin, Sorkar pawn tihtakzet a, awmze nei a, ram mipuite a kaihhruai a tul a, Council in thuneihna sang zawk a neihtheih nan a beih hi a hlu takzet a, hetiang chiah hian, awmze nei a mipuiin hmasawnna kawng an zawh hi a pawimawh khawp mai.
Khawsak a harsa chhozel a, tuna nuamsa tak a awmte hian nawmsak hleihtheihloh hun an la tawng thei, awmzenei a ram mipui ten hmasawnna kawng an zawh theihnan a hmalak hi a tul khawp mai.