Sipai Sorkar vanga Myanmar ram buaina vangin Lawngtlai DC Dr.Andrew H.Vanlaldika chuan, Lawngtlai District leh Myanmar ram inrina laite chu nguntakin vil reng a ni a ti.
Lawngtlai District hian Myanmar nen ramri intawm Kilometres 97 a nei a, The Lawngtlai Post in a kawmna ah Lawngtlai DC, Dr.Andrew H.Vanlaldika chuan, Myanmar ram atangin Lawngtlai DC ah inhumna dil an la awmloh thu a sawi a, ramri dinhmun chu nguntakin vilreng a nih thu sawiin, ramri dep a awm Village Council leh Tlawmngai pawl te chu, Myanmar ram buaina vanga mahni sahimna zawnga rawnlut an awm leh awmloh vilpui turin Lawngtlai DC chuan a ti a, Police leh Assam Rifle hotute pawh, ramri dinhmun chu nguntaka vilturin a hriattir tawh bawk.
Ramri dinhmun hi Lawngtlai District a BDO te pawn nguntakin an vilreng a, nitin, report DC hnen ah an pe a, DC hian State thuneitu sang ah report hi a thehlut thin a ni.