Lai Autonomous District Council a Chief Executive Member Pu Manghmunga Chinzah chuan Myanmar ram buaina avangin kan unaute mangang leh thlaphang a an awm LADC Sorkar chuan rem a tilo a ni a ti.
Nimin khan Lawngtlai District MJA te, CEM hian thingpui inpuiin, Myanmar ram sorkar inthlak ah, hunkaltawh a kan unaute tawrhna ang kha a thlen mai a hlauhthawn awm tih sawiin, mipui rorelna tundin chu LADC Sorkar chuan a duhpui takzet tih sawiin, an tawrhna an tawrhpui a, mangang leh thlaphanga an awm LADC Sorkar chuan a remti dawnlo a ni a ti.
CEM chuan tunhnai a LADC Sorkar a Muster Roll 320 ban an ni chu Council sum indaihlohna phuhrukna tur a nih thu sawiin, Muster Roll ban zing ah Sorkar in a mamawh lemloh tamtak an awm tih sawiin, Sorkar chu Muster Roll te tellovin a kal tak tak thei lova, tunah pawh mamawh zualpui a chhawrtur chu lakzui leh an ni a ti a, Sorkar kumthar ah pawh MR hi lalovin an awmthei dawnlo tih sawiin, mamawh tawk bak lak erawh an tumlo tih a sawi.
Lawngtlai District MJA te chuan Sorkarin Chanchinbumite a thawhpui duh phawt chuan an inhawng zau hle tih CEM hi hrilhin, mipui tana thawktu Sorkarin tangkaizawkin Chanchinbumite hmangse an duh thu te, Sorkar in mipui hriattur a puanzar thinna pakhat Adverstisment chu Chanchinbumite tanpuina nilovin, Sorkar in Chanchinbu kaltlang a mipui hriattur a puanzarna zawk a nih vangin, helam hawia tanla zualtur a sorkar an beisei thu an hrilh.
An lo tih thin angin MJA Lawngtlai District te hian CEM Relief Fund atan Rs.2000/- an chhunglut a, CEM hi Pu T.Laleng- muana Executive Member I&PR bak ah Education enkawltu Executive Member pahnih Pu V.Zathanga leh Pu Sanghuliana Mualchin leh Adviser to CEM Pu H.Lalmuansanga ten an tawiawm a ni.