Lawngtlai khawpui a bawlhhlawhte mumal zawka a paihna hmunturah paih a, sawngbawl anih theih nan hmalakna kalpui mek a ni.
Lawngtlai khawpui a bawlhhlawhte chu LADC a Sanitation Department chuan motor hmanga khawnkhawm in an paih thin a, bawlhhlawh paihna tur hmun bik hi hun eng emaw chen chu an neih loh a vangin, khawpui pawn hmun remchang, midang tana hnawksak lo turah an paih mai thin a. Sorkar hmalakna kalzelah, bawlhhlawh paihna tur hmun hi LADC Sorkar chuan KMMTTP Kawngpui an ah ram tha tak mai a ruahman fel tawh a. helai a bawlhhlawh paihte chu a nih dan tur ang a sawngbawl a nih theihnan UD&PA Lawngtlai chuan ruahmanna a siamte thuneitu sangzawkah an thehlut tawh a ni.
LADC a Senior Sanitation Officer, Pu C. Lalhmunsiama chuan Lawngtlai khawpui a bawlhhlawh paihdan pawh herrem hret tumin hma lak anih thu a sawi a, mipui lam ten bawlhhlawh paih man, an tana rittham ni silo an chawi ve theih nan PPP Mode kalpui ve tura hmalak mek a ni a ti a, hemi atan hian tihtur tam tak a la awm tih Senior Senior Sanitation Officer chuan sawiin, bawlhhawh paihna hmun chu a rang lama neih thuai anih theihnan state sorkarin tihfel ngaite leh tulte a tihfel thuai a beisei tih a sawi