Kan nunhona atan a pawimawh leh thil tul chi hrang hrang ah District Magistrate chuan danin thuneihna a pek behchhanin khapna thupek a chhuah thin a, tun a District Magistrate hi mipui tan a thilthatur ah Khapna thupek tichhuak nasa zing ah a langpha hial maithei a, thahnem an ngaihna a zahawm khawp mai.
Khawpui dang ah eitur funna kawr leh tui bur ruak, khawlai a hnuhchhiah duh miahlo te khan, Lawngtlai a nih vang a Car manto tak tak atanga mikawtkai a kan thehthla duh maite hi a mak zawng a thlirtutan chuan mak deuh a nih laiin, hmundanga thiltha kan tihtheih kha, kan khawpui ah tih kan tumlo thin hi a huatthlala lai leh kan inzirna tur niin a hriat a ni.
Khapna thupek chhuah a ni thin a, awmzia mumal a neilofo lai hi a veiawm a, thuneituten an man kher nghah hi misual zia a ni a, mipangngai, khua leh tui diktak chuan, man kher ngailovin khapna thupekte chu an zawm mai thin a, helam ah hian tanlaknatur kan nei theuhvin a rinawm.
District Magistrate atangin a ni emaw, VC leh NGO atangin emaw, tihtur leh tihloh duan a awm ferfur a, hengte hi mipuiin an zahthiam a ngaia, mipui lamin engtehvakah an ngaihloh chuan awmzia a nei tak tak thin lo, khapna thupekte hi bawhzui a ngai a, bawhzuiturbik kan awmlo, kan vai a mawhphurhna vek a ni ti kan hriat a tul ani.