Kumkhat dawnlai Hripui vangin kan buai a, pawnchhuak hleitheilova tawmim a ngaih chang pawh a tamin, khawvel a rehthuap a nih kha.
Khanglai khan zonunzemawi chuan par a chhuang a, sem sem dam dam, eibil thi thi tih chu a takin a langchhuak a, thenawm khawvengten thlakchham an neih hlauin chhungkaw tamtak an chechhuak a, i vengte hmangaih rawh intih hran ngailovin, atakin hmangaihna chu a langchhuak a nih kha.
Hunharsa ah mihring nunzedik a langchhuak fo thin a, Sakhaw hruaituten bial anfangtheilova, Biak In khar a ni a, Krista zuitute nundantur erawh a takin a langchhuak lawisi a.
Khang kan inlainata, kan inngaihsak tawnna ang kha, khatiangang diak diaka kalpui chhunzawmzel theih nilomahse, nasa zawkin vawngnung ila, chu chuan khawtlang nuam zawk a siam anga, ram hian hmelthar a pu ngei ngei ang.
Mahni thiam leh theihna zawnah hmalak theihhun ah, hripui lenlaia midang ngaihsakna thinlung ang kha vul zel sela, khawtlangnun hian inngaihsaktawnna a chhawmnun phawt chuan, khaw nuamlo a awm thei tak tak lovang. Hetianga nun hi kan thei tih hripui leng hian a tifiah a, kan chhawmnun duh leh duhloh chu keimahni theuh ah a innghat ani.