LADC Sorkar tirh a, Central Service a lut tur a inbuatsaihna neitur a tih mipathum-te thlahna hun nimin a neih a, CEM chuan Sorkar hmasa thiltih, chhunzawm tlak chu an chhunzawm mai tih a sawi a, heihian LADC Sorkar a tizahawmin, a phawvuak ah ringawt Sorkar hian hma a la lova, an thlirna a zau viauiin a hriat a, thil lawmawm tak a tling in a hriat ani.
Central a ni emaw, State leh District Council a ni emaw, Village Council thleng pawn a nithei ang, Sorkar a inthlakin, Sorkar hmasain ruahmanna a neih chhunzawm duhloh hi hriattur a tam thin a, Sorkar chuan ngaihpawimawh zawng leh insawrbing deuhna laiturte a nei lothei lova, hengah hian, tuna LADC Sorkar hian, ramin mithiam a mamawh zia hria a, Sorkar hmasain ruahmanna thatak a lo siam chu tihtakzet a bawhzuia, a chhunzawm hian ram Nu leh Pa an nihna a tilang in a hriat ani.
Hetiang zel hian Sorkar hi kalzuizel sela, Project lian ve deuhte pawh kum 15 hnulam a puitlin theihturte pawh hi duang ngamsela, chu chuan ram tan awmzia nasa zawkte pawh a neihtheih a beiseiawm a, be la, be lo la, ka talh tho tho ang che, tih lam aiin, thilthatur ah chuan tute sulhnu emaw, tute rawtna emaw a nihvanga hawisan ngawt hi ramhluizia a ni tih pawmngamna hian ram in hmalam a panna atan awmzia a neithui viauin a rinawm