Nimin khan AVBD, Lawngtlai buatsaih in Valentine’s Day pualin thisen pek runpui neih niin mitlawmngai ten Thisen Unit 25 an pe
CMO, Conference Hall a he hun hmanna ah hian, Khuallian Pu C.Lalruatkimia, Addl.SP, Lawngtlai chuan Thisen chu a dawngtu chauh nilovin, a petu pawhin a hlutzia a hriat chian angai a ni a ti a, midang ten nunna an neihna atana Thisen ui hauh lo a pe thin te hi khawvela mi hlim ber te an ni hial ang tiin, Blood Bank ruak hmanlo khawpin siam ila, Thalai ten kan mawhphurhna leh Isua zuitu ten kan tihtur kan hriatchian phawt chuan Lawngtlai Khawpuia Damdawiin pathum ten Thisen an mamawh ang hi kan phuhruk zo hle dawn ani ati .
Pu Elvis Lalthangzuala, President AVBD.Lawngtlai kaihhruaia he hun hmanna ah hian Dr. Beiparisa. Blood Bank Officer Lawngtlai chuan Report pe in, Kum kalta 2020 chhung khan Voluntary a Thisen an dawn hi Unit 896 anih thu leh, Emergency a Thisen an dawn hi Unit 266 niin, mahni thu a Blood Bank a thisen pe mi 72 an awm thu sawilangin, Kum 2020 kumkalta a thisen an dawn zawng zawng hi Unit 1162 anih laiin, an pek chhuah zawng zawng chu Unit 1012 anih thu a sawi a.
He hunah hian Dr L.P Malsawma CMO, Dr.S.Thaizy SMO.bakah SHADE atangin Christy Lalenmawii ten thu an sawi a, hemihnu hian thisen pek runpui neih chhunzawm nghal ani. Thisen pe te hi Mipa 20 leh Hmeichhia 5 niin, Valentine’s Day puala thisen pek zawng zawng hi Unit 25 ani.