Kum kalta March thla atangin Covid 19 vangin harsatna tawh chhoh a ni a, he hri hi tutemahin an la hmelhriatloh a nih vangin, a tirlam ah phei chuan hlauh luat ah hlauhloh tur thleng thleng a lo hlauhte pawh a awm nawk a, tutemah demtheih a nilo.
Vanneihthlak takin tundinhmun ah hrivei hian punlam aiin kiamlam a pan chho niin a lang a, hridanna Vaccine pawh pekchhuah mek a ni a, thlathar ah phei chuan Biak In pawh hawn turin ruahman a ni a, hrilentirh atanga chhutin, tun a kan hun hmanmek hi hripui leng kar ah mipui te zalenber lai, rilru leh taksa chetvelna ah pawh hripui vanga hlauhthawnna a tlemlai ber a ni hialin a hriat a, hetiang a nih mek lai hian, hripui hi a la reh loh vangin a hlauhawmdan hi a la pangngai reng tih hi hriat atan a tha khawp mai.
A venna Vaccine pekchhuah mek a ni a, mipui nawlpui hian engtikahnge Vaccine hi an laktheih ang tih hriatlawk hleihtheih a la nilova, a venna hmuhchhuah a nih tawh laiin, hrikai te enkawlna tur Damdawi erawh hmuhchhuah a la nilo thung a, heihian hripui hi a hlauhawmdan a la neplohzia a lantirin a hriat a ni.
Hrilaka himna tur atana tihtur leh tihlohturte hi mipuiten ngaiah an neih chhoh tan dawn chauhvin a hriat a, hetiang hun takah hian kan inthlahdah palh hlauh chuan, hunkhirh tak kan paltlang tawh aia hrehawm ah kan lut ang tih a hlauhthawnawm viau a, Hripui hi, a hlauhawmloh lai tak ni a lang hi, a hlauhawm lai tak ah a chang thei tih i i ringngam ang u.