Vawiin khan Lawngtlai Additional Deputy Commissioner, Pi Marilyn Rualzakhumthangi hovin, District Magistrate in Ran khuahkhirhna tur a thupek a lo chhuah tawh leh, Halpuah leh Halmawi zawrh, lei leh hal khapna thupek a chhuah tawh bawhzui zel dan tur sawiho a ni.
Ran khuahkhirh chungchang ah hmalakna kalpui mek thlirlet a ni a, kumthar hmain, Magistrate hovin Inspection Team ten Lawngtlai khawpui fang leh se an ti a, Team ah hian Magistrate bak ah Police, VC Association leh Central Young Lai Association aiawh te ruat an ni.
Halpuah, Halmawi zawrh, lei leh hal khap chungchang ah nasa zawkin hmalak zui tha an ti a, dawrkai te pawh ngun zawk a enfiah nise an tih bak ah, mipuite chu Halpuah, Halmawi ang chite leilotur leh halloturin Committee chuan an ngen bawk.