Hripui leng chuan Lawngtlai District pawh nunphung pangngaiin a awmtir hleithei lova, hrikai te enkawlnan Chawnhu ram a Eklavya Model Residential School tur a sak chu hman niin, Medical Team te chuan Covid Care Centre a awmte hi Krismas hlimtakin an hmanpui.
CCC Lawngtlai a Medical Team, Dr.Elsadai Lalbersiama hote chuan Covid Care Centre a awmte chu mi inphal leh a nachang hriaten Krismas Cake an pek chu an zaipui a, Krismas hla te sa in, Pathian hnen a inhlan tharna hun te an hmanpui a, hrikai vanga khunghran lai nimahse, CCC a awmte hian khawhar lutuk lovin Krismas boruak ah hun an hmantheih phah a ni.
CCC Lawngtlai ah hian damdawi hmanga damlo te enkawl an nih bak ah, an taksa hrisel nan insawisawi tha taka kalpui niin, zanlam ah Tawngtainatur thupui thlanbik hmangin hunruatbik neiin an tawngtai thin a, Medical Team ten nguntakin kawng hrang hrangin an kaihruai reng bawk a ni.
Tags
News