Lawngtlai khawpui chhung kawng siamthat hna thawh mek a ni.

Tunlai hian National Highway-54, Lawngtlai khawpui chhung chu chhunzan zawmin siamthat hna thawh mek a ni.

Kawngsiam hna thawktute hian Lawngtlai DC Dr.Andrew H.Vanlaldika'n khawpui chhung kawng Blactop hmasa tur a a lo hriattir tawh ang leh Company lam pawn DC hnen ah MJA Lawngtlai District hruaitute hriatlaiin, khawpui chhung chu hna hmasa ah neih an tum thu an lo sawi tawh angin, hna hi an thawk mek a.

National Highway-54 siamthathna thawktu NHIDCL hnuai a ABCI Insfrastructures Pvt.Ltd. 

 

te chuan chhunzan zawmin siamthat hna an thawk mek a, heivang hian Lawngtlai khawpui chhung a motor tlandan pawh tihdanglam niin, Lawngtlai khawpui paltlangtur te chuan Hospital Road ah kawngpui siamlai hi heltur a ni.

Kawng siamhna thawktute hi Central leh Branch YLA leh VC te bak ah Bialtu MDC te nguntakin an vil reng a, awlsam leh chak zawk a hna an thawh theih nan, kawng kam a lirthei leh hmanraw dahte pawh khawtlang hruaitute hmalakna in senghawi vek niin, hna hi a kaltluan chuan kumthar tir lam hi chuan Lawngtlai khawpui chhung kawng chu Blacktop zawh hman vek a nih a beiseiawm.

Hetihlai hian Lawngtlai Bazar a Areopagy atanga Tuipui Ferry kawng siamtu Vinco Construction te pawn kumthar ah hian khawpui chhung kawng chu a theih ang ang khawihtan an tum bawk.