Nimin khan MNF Dist Hqrs.Lawngtlai chuan, MDC thlan tharte chawimawina hun leh an Party Office kharna hun an hmang.
Pu NC. Ngun tlunga, District Hqrs. Vice President kaihhruai he hun hmanna ah hian LADC hnuaia MDC inthlan neih zawh taka MNF Party Candidate thlantlin te chu Chawimawina Pangpar hlan an ni a, CEM Pu Manghmunga Chinzah chuan MDC Inthlannaa hnehna MNF Party in an chan theihna chhan chu an thawhhona that vang a nih thu sawiin, Executive Body ruahman mek a ni a ti a , reilo te ah LADC Sawrkar chu Fu-ke kimin kan kal dawn a, Politics ah mi pamham te an hlawhchham fo thin ani tih sawiin, Pu Manghmunga chuan Sawrkar ngialnghet, Sawrkar chak a dintheih nan mipuite thawhpui atan a sawm.
Lawngtlai East Bialtu MLA, Agriculture Board Vice Chairman ni bawk Pu H. Biakzaua chuan December Ni 16, Exodus Day denchhen in LADC huam chhunga Ex-MNA la dam mi 33 te hnenah Uniform a pe vek a, LADC inthlanna neih zawh takah Chief Minister Pu Zoramthanga kaihhruai MNF Party chu mipuiin an la ring tawkin, MDC Seat 25 ah Seat 20 ngawt an la thei chu LADC chanchin a thil la thleng ngailo ani a, MNF Party chuan Lairam hmasawnna turin chak takin hna a thawk dawn ani ati.
MNF Dist. Hqrs Office khar nghal niin, nakum 2021 January 12 a hawn ani dawn ani.