LADC ah hian thuneihna inchuh vanga Sorkar kal tluanglo hriattur a awm fo a, heihian ram hmel a tibal a, hnam a timualpho a, ram hmangaihtute tan chuan tihawm a ngaih nilo mahse, LADC Sorkar hi nghet cherh chawrh hian a kal hleitheilo emaw ni aw, tihtur in a awm fo a, a pawi ngawt mai.
Tunah pawh Sorkar thar a piangchho a, a fuke a dinchho mek a ni a, khawi lai ah emaw chuan Paho nilum ai titina ah , Sorkar mumal taka a kal a, ram hmasawnna atan a Sorkar thar in a tihtur ni a an ngaih sawiho aiin, Sorkar thar chu reitak a kal rinlohna te, a buaitheih dan tur te zeldin titi hriattur a awm leh nual tawh in a rinawm.
LADC Sorkar a nih vanga buai fo tur a ni lova, kalphung pangngai hian a kalthei tih hi mipui lam hian chiang ila, hetiang ang a mipuiin sorkar an ngaihtheih nan, hruaitute hian bul han tanse a duhawm ngawt mai.
Democracy ram ah thuneihna inchuh hi thilthar a nilova, hetih rual hian LADC a politics virvel hi chu sawimawi a thup mawi tumtu tan pawn, hun kaltawh a hruaitute chetdan ah rinna tak tak neih a tihar in a hriat a, helai tak hi tuna Sorkar thar piangchho mek pawhin a venber tur leh, ram mipuiten rinna an nghah theih nan, Sorkar nghialnghet tak an din hi a pawimawh lai niin a hriat a ni.
Engpawhnise, Sorkar kan thlirdan hi a inthlakdanglam a hun tawh a, thlirna thar chhawpchhuak thei hruaitu mamawhna pawh a lian viau in a rinawm.