Inthlan kaihhnawih vel ah chauh Politics ngaihtuah a, ram hmangaihta ber emaw titur ang hial a tal hi hmuh tur an awm fo mai, Democracy ram a Election hi rorelna bulthut intanna a nih vangin, inthlan vuatkvet a, a nawlpuiin Politics an han buaipui luai luai te hi sawisel chi pawh a ni awm love.
Ram tan a hnathawkturin roreltutur thlan an ngai a, rerelna an siam hnu ah, a nawlpui a Politics buaipuite thawm chu a rehzui ve deuh mai thin a, englaipawhin Politics hi buaipui luai luai chi nilo mahse, ram tan a ngaihtuah seng a, ram leh hmangaihtu chuan Politics hi englai pawhin a ngaihven thin a, ram hruaitute sukthlek te, ram an kaihhruaina ah, hruaitu nizui tlak an nih leh nihloh te, ngun takin a lo thlir reng thin.
Election chauh hi Politics khelh hun a nilova, ram hmasawn nan englai pawhin Politics chu khelh reng ngai a ni zawk a, ram hruaituten Politics awmze nei an khelh leh khelh loh hian, ram hnuk a khawih a, mipui lam in eng Politics nge an khelhzui tih hian ram leh hnam hmasawnna a suihzawm tlat bawk.
Mahni inhaivur duhna Politics leh therhlo ilo hmanga inthlem lungawina Politics hian awmzia a nei thui tak tak thei lova, ram in hmasawnna tak tak a neihtheih nan, englaipawhin Politics hi ngaihven a tul a, mipui aiawhtute kalphung pawh nguntaka chik peih a pawimawh bawk.