Nimin khan Pang Zirlai Pawl hruaitute chuan, Chakma Autonomous District Council huamchhung a Zo hnahthlak te chenna, Lawngtlai District chhung a Damdep-II leh Charluitlang te tlawhin, CADC chuan Zohnahthlakte hi a ngaihsak tawklo hle ni a an hriatthu Pang Zirlai Pawl hruaitute chuan an sawi.
Thuchhuah an siam a an tarlan danin, CADC Area a Zofa awm te hian sawrkar aṭanga hamṭhatna leh Sawrkar hnalak chung changah hnam tlem zawk te nekchepin chakma leh chakma bawk an in duhsak ṭhin a, hei hi Pang Zirlai Pawl, General Headquarters chuan pawi a ti a, tha lo a tiin, . CADC Sawrkarin hleihbik nei tak a ro a rel chu Pang Zirlai Pawl chuan pawi a ti a, CADC Sawrkar a dem tak zet tih an tarlang a
Damdep-II Middle School ah Zirlai 58 awmin, Zirtirtu 5 an awm mek a. Charluitlâng UPS ah hian School Naupang 25 awm in Zirtirtu 3 an awm mek bawk. heng khua a Zirna In(School Building) te erawh chu luah thlak loh khawpin a chhia a, Damdep-II Middle School te harsatna hi CADC leh Mizoram Sawrkarah vawi tam tak Pang Zirlai Pawl chuan thlen tawh in. MZP leh MSU te pawn nasa takin hma an lo lakpui tawh a; amaherawh chu, tunthlenga hmalakna a la awm lo chu Pang Zirlai Pawl chuan a hrethiam lo takzet tih an thuchhuah ah tarlangin, Pangfate hmakhua ngai a, an harsatna tawhte chingfel thuai turin Chakma Autonomous District Council leh Mizoram Sawrkar an ngen a ni.
Tags
News