Lai Autonomous District Council Sorkar thar thutkhawm hmasaber chu nimin khan neih a ni a, Paithar bialtu MDC Pu V.Zirsanga chu chuhtu awm lovin Chairman atan tling ah puan a ni.
Protem Chairman Pu Lallawmsanga Apetow chuan Paithar Bialtu MDC Pu V. Zirsanga chu chuhtu awm lova Chairman atan thlan a nih thu a puan hnu ah , House Leader Pu Manghmunga Chinzah leh Opposition Group Leader Pu T. Zakunga ten Chairman dawhkan thleng hruaiin, Pu V. Zirsanga chuan Session a kaihruai zui nghal a, Chairman chuan rorelna tha taka kalpui anih theih nan House Memberte chu thawhho puiah a sawm a....
Chief Executive Member Pu Manghmunga Chinzah chuan, chuhtu awm lova Chairman thar an nei chu lawmawm atih thu sawiin, eptu lam a thute thute hnenah lawmthu a sawi a, CEM chuan Memberte chu thawhhopui ah sawmin,ram kaihhruaina kawngah thawhhona thatak an neih a duh thute,a tul dan ang zela amah chu fin chhuah thin turin a sawm bawk.
Opposition Group Leader Pu T. Zakunga pawhin thusawiin, Politics a Senior, tawn hriat ngah tawh tak, CEM leh Term hmasa a Chairman hna lo chelh tawh, tun sawrkar thara Chairman hna chelh lehtu te thlazar hnuaiah LADC rorelna kalpui ani tur chu thlamuanthlak atih thu sawiin, Lairam mipui ten Sawrkar tharah beiseina sang tak an neih chu tihhlawhtlin anih theih nan, Oppositioin lam pawhin theihtawpa Sawrkar hnungdawl an tum thu a sawi a, M.Kawnpui Bial atanga thlantlin Pu N. Zangura pawhin Chairman lawmpuina thu a sawi bawk.
Hemi hnu hian LADC Sorkar thar thutkhawm hmasaber chu tihtawp a ni.
Tags
News