Lohtheihlona vangin Hripui kar ah District Council inthlanpui neih a ni a, kan hmalawk ah Krismas leh Kumthar hunpui kan thleng leh mai dawn a, heng hun ah hian Hripui vangin fimkhur zual a ngai viau dawn tih a chiang sa awm e.
District Magistrate chuan, hunpui laiin puipunna lam chi huaihawt a khap a, a lawmawm ngawt mai. Khapna in a huam siloh, hunpui lai a hripui lak a fimkhurna tlakchham phahna tur a awm nualin a hriat a, Kohhran angin Programme buatsaih a rem dawn lova, thalai engemawzat chuan hunthawl hi an nuam tihzawng a hmantum tan an la ngeiin a rinawm a, kumdang zawng aiin Sorkar leh Tlawmngai pawl lam pawh an duty ngawrh zawk te pawh a ngai hial maithei a ni.
Tuna Lawngtlai dinhmun ah hi chuan, tulpawimawh tawp a nihloh chuan, pawnlam a chhuahloh te, inkawmkhawm leh intlawhpawh lohte hi hri laka himtur a mitinin an tihtheih, tangkaiber a ni hialin a rinawm a, hetihlai hian, nitin a Lawngtlai bazar a mipui chevel hian, hrikai emaw, hri darhtur emaw hlauhthawnna, hmuhtur a tam lovin, khawlai ah pawh lirthei veivak a tamin, nunphung a pangngai lutuk hian khawpui hi a tihlauhawm zawk hialin a hriat a ni.
Tute emaw in an khapbeh nghah kher hi mipangngaite tihtur a ni lova, Hripui hlauhawm dan leh a darh dan te, invenna te hrelo kan awm tawh lova, hunpui vuatvet ah hian i fimkhur zual ang u.
Tags
Editorial