Kan chanchinbu chhutna khawl a chianglo deuh a, ni hnih chhung Newspaper kan chhuah theilo...
Thu pangngai tak han in chhawp tur ka hrelo na a, US Election hian ngaihven a hlawh viau a, khawvel tukverh ah kan dakp ha tih a hriat a, thil lawmawm lam a ni. Ram changkang leh hmasawn tawh te dinhmun hi an hlawhtlinna par an tlandan lam aiin, an kawngzawh hi tute tan pawh mahni zawnah inzir nan hmang thei ila, khawvel tukverh a kan dak rau rau a nih chuan, thilṭha kan chhar phah ngei ang.
LADC Politics a chiri deuh a, titi luahtu pawh a ni mek a, US President chuan thlantlin an nih hma in ram hruai an tumdan chu vote zawn nan ber an hman a ni a, LADC ah hian kan Politician te hian eng hmanrua hmangin nge vote an zawn ṭhin, a hretute kan ni vek ang.
Kan Budget a tlem tih hi chhuanlam a tling lo. A tlem pawn tangkai taka hman anih chuan awmzia a nei ngei ngei thin a, mifing chuan In a sak dawnin a chhung a pindan awmdan tur a ruahman lawk thin.
Mahni tapchhakzawl a, tlai thlak tur pawh nei mang lovin US Politics kan sawi a, kan ngaihtuahna, kan khawthlir in khawvel a tuamchhuak a, a tak ramah kan dinhmun erawh a chhe hle thung si.
Hawh u, i dinthar ang u, han ti hluai dawn ila, mi nazawng tan han dinthar ngawt theih a ni silo. LADC Inthlanpui a hnai tawh a, kan Political Party te hian ram damna tur min zawrh rawh se, mipuiin an lo lei duhlo anih chuan thuhranah ngai ila, ram tana tum mumal tak nei, chu kawng zawh theitur te chu kan ram hian a mamawh ber ni hian ka hre ve thin.
Thutphah dup nuam takah, Smart TV hlai tha tak atangin kan thlir a, Tottenham fachuam South Korean pa, Son-an Europe a Footballer lang sar tak tak a thlawh khum te hi, kan thalai ten sawi nuam an ti a, Blackpink video view tu zat nen lam.sawi zut zut theih te hi changkanna khingbai a ni.
......lo ngaihtuah zawm ve teh u, hei hri len laiin, inleng pawimawh vaklo ka nei tlat mai🤣
Ni hman nuam ule.
-Lalngheta Ralte