LADC inthlanpui neih tur ah Political Party ten Campaign an ngawrh chho viau tawh a, Rajya Sabha MP Pu K.Vanlalvena chuan nimin khan Lawngtlai a MNF Party Office ah thusawiin Sorkar chuan Chhimlam hmasawnna tur in ruahmanna hrang hrang a kalpui mek tih sawiin, Lawngtlai District chhimthlang lam, Chamdur phairuam pawh innghahnatlak a siamtumin ruahmanna siam a ni a ti a, Kaladan Multi Modal Transit Transport Project hnuai a Myanmar ram pawhtur a kawngpui sial pawh a hlawhtlin theihnan hmalakna kalpui reng a ni a, Myanmar ram chhung ah hnathawktute an inthlak avangin hna pawh an tan thuai leh thuai a ni dawn a ni a ti.
Pu Vena chuan State ah MNF in Sorkar nghettak a kalpui mek a, Lai District mipui te chu an hmalam hun nguntaka thlir tur a a duh thu sawiin, Lairam dinchhuahna tur tak tak ngaihtuahtur a duh thu sawiin, chhungkaw politics chu tlansan ngam a hun tawh a ni a ti.
MNF Party Office ah hian Pu K.Vena bakah Pu Vanlalzawma bak ah MNF hruaitu pawimawh tak tak ten thu an sawi.