Council inthlanpui neih kum chuan, kumtir atangin khawtin ah, inthlan chungchang tititui ber a nei an awm fur thin a, inthlan dawn hnaih ah phei chuan Politics hi mipuiten an buaipui luai luai niberin a hriat a, hetiang khawp a, ram rorelna dawhkan kiltur, mipuiten an vei a, an buaipui hi Democracy ram ah thilthar a nilova, mipui ten ram inrelbawlna an ngaihpawimawhzia a lang a, thillawmawm lam a ni.
Ram in awmze nei a kalphung a siam dawn chuan, Politician ten eng Politics nge an khelh tih hi a pawimawh lai a ni a, fiamthu titak a, Council ah chuan Inthlanthlan result puan hnu ah Politics a intan chauh thin, ti a sawi awm leh zeuh thinte hi a huatthlalain, Politician te tan phei chuan mahni inbihnawn nan a hman tham a tling hialin a rinawm.
Arah hmintha tamna zar a piang hi mipuiin an puarpui kher lova, a awm ang ang eihona hian ram leh hnam damna a keng tih hi thil chiangtak nimahse, thlir khum a, kalkan erawh a hlawhchang a awm thei in a rinawm.
Politician te hian vote an zawnna lam ah ram leh hnam damna an zuar em ? eng Politics ber nge an khelh tih hi mipuilamin an ngaihven peih a tul a, tute emaw thlek rual a thle ve mai mai Voters tamna ram ah ramin hmasawnna tak tak chuankai a harsat deuh thin in a hriat a, ngaihtuahna fim hmang thin mipui tamna ah ram hmasawnna pawh a chak nge nge thin.