December ni 4 ah Member 25 awmna LADC inthlanpui neih tur chu kilthum atangin BJP, INC leh MNF ten an chuh dawn tih a chiang tawh a, MNF leh Congress ten an Party Candidate tur te an puanfel hnu ah, nimin khan BJP chuan bial 17 a an Party Candidate turte an puang.
BJP Candidate turte hi BJP State Vice President Pu JB Rualchhinga'n Lawngtlai Bazar veng a BJP Office ah a puang a, LADC a CEM nilai Pu T.Zakunga chu a bial ngai Vawmbuk bial ah a ding dawn a, Congress Party atanga BJP zawmtu MDC dang paruk te pawh an bial ngai ah theuh an ding dawn a ni.
Hetihian tundinhmun ah chuan LADC inthlanpui hi kilthum atangin bial engemawzat ah chuan Political Party pathumte an inbei dawn tih a chiang tawh a, MNF Party hian Bial 25 a an candidate turte an tifel tawh a, Indian National Congress hian bial 15 bak ah Independent an puihna tur bial thum an puangfel tawh a, nimin khan BJP hian bial 17 a an Candidate tur an puang ve thung a ni.
LADC MDC INTHLAN HUNA BJP TICKET A DING TURTE
1. Sangau East -K. Hramzama
2. Sangau West -C. Lallungmuana
3. Sangau South -B. Zahlunthanga
4. Cheural -L. Lawmkima
5. Vawmbuk -T. Zakunga
6. Bualpui (Ng) West -Lalhminga Hlawnchhing
7. Bualpui (Ng) East -K. Vanlalsanga
8. College Veng -Chhuanawma
9. Lawngtlai - III -Lallianzuala
10. Bungtlang South -JC. Ngurluaia
11. Tuithumhnar -J. Rokhuma
12. M. Kawnpui -K. Lalbiakmawia
13. Chawngte 'P' -C. Lalneihzaua
14. Sekulh -Lalzirtluanga
15. Diltlang South -A. Lalzara
16. Vathuampui -C. Lalneihkhuma
17. Sakeilui -Swagutam Chakma