Lai Autonomous District Council a BJP kaihhruai sorkar bangtur a MNF District Hqrs Lawngtlai hnuai ah Youth Front leh Women Front ten an nawrna kalna kalmek ah, LADC a Office kaitur chu Zirtawpni thleng khan ni nga chhung an dang tawh.
Kar kalta Thawhtanni atang khan MNYF leh MNWF te hian LADC a Office kaitur te hi an dang tan a, kar tir lam ah Executive Member te zing ah Office kai tum an awm vangin, innawrna liantham vaklo thleng awm mahse, Nilaini atang kha chuan innawrna thleng a awm lova, MNF Thalai leh Woment Front te nitin Duty in, kar kalta chhung khan LADC Office hi kai mumal theih a nilo a ni.
Hetiang a MNF Party ten LADC a Office kaitur an dan vang hian LADC Office a hna kallai engemawzat chu kalpui hleihtheih a nilova, Election Model Code of Conduct puan a nih hma a tihfel ngai eng eng emaw bak ah Staff zing atanga loan leh thildang buaipuitute chuan an tuar chho mek in a hriat a ni.
MNF Thalai President Pu Elvis Lalthangzuala chuan BJP chu Member tlemte chauh nei a LADC a Sorkarna kalluih pui ah puhin, Staff zing ah Office an dan vanga harsatna tawk an awm nual vangin chawlhsan lailawk an tum tih a sawi.
Hetihlai hian BJP Legislature Party lam chuan, Sorkar chu tualchhar a fiah chi a nilova, Session ah mumal taka fiahna paltlang an ngam thu an lo sawi tawh bawk.