Nimin khan Lawngtlai District chhung ah Infiamna lama hmasawnna ruhrel dinna tur cheng Nuai singkhat chuang senna chu khuhhawnna neih a ni a, hetiangzat senralna tur Project 14 zet mai Lawngtlai District chhunga kalpui a ni tur hi a bikin Thalaite tan kawl a eng tan ah a ngaihtheih a, a lawmawm takzet a ni.
Thiltha tur ah chuan, eng Party Sorkar thawhnge tih lam aiin, Sorkar chu mipui vanga awm a ni a, mipui huapzo sorkar in hmasawnna hna an thawk thin tih hi pawm mai ila, Sangau RD Block huamchhung bik atan ruahmanna pawh a awmmek thu Sport Minister in a sawi te kha a thlamuan thlakin, hmalakna liantham tak kalpui tur hi, neitu rilrupu satliah mai nilovin, inhlawhfa rilru pu lova, hnathawktu lam te pawn, ram rotling an sualchhuah a pawimawh viau dawn a ni.
Hmasawnna hna hi a nihtur ang a nih phakloh thinna langsar tak chu, Party Worker te hi an ni duh viau a, tun Sorkar ah chuan hetiang ang a hmasawnna tithuanawp zawng a mahni hlawkna um duh an awm a rinawmloh.
Tuna Nuai sing chuang senna tur hi mipui ten an lo dawnsawn dan te, hnathawktuten an thawhdan atang ten, nghawng tha a nei thei dawn a, sum hlawm tamtak hi a rawn luanglut fo dawn lova, kan hmuhtheih leh hmuhphak te tangkaitaka kan hmanthiam chuan rah tha a chhuah ngei ngeiin a rinawm a ni.