December 4 a Lai Autonomous District Council inthlanpui neih tur atan Political Party ten inbuatsaih na an kalpui ngawrh tan viau tawh a, Inthlanna chuhtumte tan November 20 thleng hun hawn a ni a, December 8 ah vote chhiar a ni ang
LADC Inthlanna atan MNF Party chuan bial 25 a an candidate tur te an tichhuak tawh a, Party dang te chuan tunkar lo awmtur hian Candidate turte an puang ang.
Sorkar kallai a MNF Legislatrure Party Leader, Sangau East Bialtu MDC, Pu F.Rohnuna leh Congress atanga MNF zawmtu Sangau South bialtu, Pu ST Laldailova te chuan MNF Party Ticket an changlo.
Inrinni khan MNF Legislature Party Leader Pu F.Rohnuna hian BJP a zawm a, Pu F.Rohnuna chuan Lairam leh hnam damna chu Politics a a zuanluh chhanber a nih thu sawiin, Congress Sorkar ah District Council ten dinhmun sangzawk an neih theih nan a an beihna te chu a hlawhtlinna hmuhtur a awm lova, tun a BJP Sorkar chuan Autonomous District Council ten dinhmun sang zawk an luah theih nan a ram danpui, Sixth Schedule siamthat an tum vangin, BJP chu Lairam leh hnam damna tur ni a a hriat vanga zawm ta a nih thu a sawi.
He hun ah hian BJP Legislature Party Leader, CEM, Pu T.Zakunga pawhin thusawiin, BJP chuan ram mipuiten khaweng an hmuhtheih nan ruahmanna tha leh rintlak a nei a, chu chu mipui ah pawh an zawrh mek a nih thu sawiin, mipui ten Laifaten mahni a roinrelna an neih Autonomous District Council in dinhmun sang leh awmzenei zawk a neihtheih chu an duhber a ni a ti.