December ni 4 ah LADC Inthlanpui neih tur ah State Election Commission chuan, mipui te hri laka an him theih nan ruahmanna hrang hrang a siam a, hengte hi khautak a kalpui tum a nih thu Returning Officer, Dr. Andrew H.Vanlaldika chuan tunhnai a LADC Election chungchang Meeting neih ah a sawi.
Lawngtlai DC chuan, inthlanni ah uluk takin vote thlak turte chu an hming leh Address kimchang bak ah Vote an thlak hunte chhinchhiah vek an nih tur thu a sawi a, Health Department lam chuan bial tin ah mawhphurtu bik in ruatin, Hripui laka mipuite an himtheih nan hmalakna an kalpui dawn a ni.
Inthlanna a venhimna lam thawktutur, District pawnlam atanga rawn kalturte chu an rawn kal hmain Covid 19 lakah an fihlim leh fihlimloh test hmasak vek a nih theih nan Returning Officer chuan State Election Commission lam ah rawtna a thlen tawh bawk.
Inthlan kaihhnawih ah mipui punkhawmna lam chu huaihawt a rem dawn lova, a tamthei angber mipui nen inngheng lova campaign kalpui tur niin, Public Meeting leh Campaign Office hawn a pungkhawm te pawh tuntum inthlanpui neihtur ah chuan hrileng vangin neih a rem dawn lo.