State pawn atanga Lawngtlai District-a lo haw leh lo lut, COVID-19 hri leng laka fimkhur thila government quarantine facility leh home quarantine-a khung hran mek leh COVID-19 positive enkawl mek zat chu nimin tlai dar 5:00 thleng khan mi 53 a ni a. An zinga mi 34 chu (COVID-19 positive Lawngtlai CCC-a enkawl mi 14 telin) facility quarantine niin, mi 19 chu home quarantine an ni.
Niminah state pawn atangin mi 6 lo thlen belhin, Medical Quarters-ah 5 leh 38 RDS Camp-ah home quarantine-in 1 dah an ni a. Niminpiaha District Hospital Lawngtlaia Rapid Antigen Test atanga COVID-19 positive hmuh chhuah thar mipa pahnih (2) chu Lawngtlai Covid Care Centre (CCC)-ah dah luh an ni a. Khung hran hun bi hmang zo, College Venga home quarantine lai mi 1 chhuahtir a ni thung.