Mizoram a Autonomous District Council ten thuneihna sang zawk an dilna hi a rei tawh a, a hlawhtlinna erawh hmuhtur a awm hleithei lova, dinhmun ngai a dinreng chu ram hruaitutten duh lovin, chawllovin an nawr reng a, a khattawkin Central sorkar nawrna thawm pawh hriattur a awm chho fova, hetianga hmalakna a awm thin hi a lawmawm khawp mai.
Tunhnai ah LADC Politics chu inlumletin, BJP in Sorkarna an siam rup a, heihi a chhanbulber ni a lang chu, an hruaituber tuna CEM nilaiin a sawidanin, inrelbawlna leh sum leh pai chungchang ah, BJP chuan ADC te dinhmun tha zawka a hlankai a tiam vang niin a sawi a, CEM thusawi hi a rintlak leh rintlak loh chu, amah ah nilovin, Central a BJP Sorkar ah a innghat mek in a hriat a ni.
Hman a Direct Finance zuartute khan, a harsat zia an sawi ri tawh a, tun ah BJP lamin awlsam ang reng takin an tiam leh lawi a, ADC huamchhunga mipuite hian Politics ah bum kual emaw, an lawhphakloh thei hmin tha tawktarh mai mai ah an ngai ang tih a hlauhthawnawm viau mai.
BJP te hi an thutiam ah an din leh dinloh chu fiahin a awmchho mek a, he fiahna an hmachhawn dan ah, an Party dinhmun pawh a tha zawng leh a chhe zawngin a nghawng nasa thei viauin a rinawm.