Thlathar December ni 4 a Lai Autonomous District Council inthlanpui neih tur ah nimin khan Indian National Congress chuan a thawhkhatnan bial 15 a an Party Candidate tur leh Bial pathum a Independent Candidate Congress Party in an thlawp tur an puang a, nimin vek khan Vathuampui bial ah Independent Candidate pakhat chuan chuhtumin a hming a pelut.
Congress Party Candidate tur te hi MPCC Treasurer Pu Zodintluanga'n Lai District Congress Committee Office, Lawngtlai Bazar ah a puang a, a thawhkhat nan Bial 25 awmna LADC ah hian Congress Party chuan Bial 15 a an Party Candidate tur te an puan zing ah , Congress Legislature Party Leader Pu C.Sangchhunga chu a bial ngai Lawngtlai Bazar ah a ding nawn dawn a, Congress MDC dang pathum pawh an bial ngai theuh ah an ding dawn a, Sorkar kallai a Nominated Member Pu H.Lalramdinhluna chu Lawngtlai Vengpui Bial a dingtur a tih a ni bawk.
Nimin a Congress Party Candidate puan thawhkhatna ah hian bial thum ah Congress Party ten Independent Candidate an thlawp tur puan nghal niin, Chandmary bial ah Dr. Lorrain Lalpekliana Chinzah, Paithar ah Pu Sakhawliana, Lungtian ah Pu Ricky H.Lallungruala te chu Congress Party ten Candidate dang siam lovin an thlawp dawn.
Lungpher S -Pu C. Lalmuanthanga
Bualpui NG West -Pu C. Lalduhawma
Bualpui NG East -Pu H. Zathang
Lawngtlai Bazar -Pu C. Sangchhunga
Lawngtlai Vengpui -Pu H. Lalramdinhluna
Council Veng -Pu Lallura Chinzah
College Veng -Revd. C. Hrangzuala
Lawngtlai-III -Pu S. Laltinkhuma
Diltlang South -Pu Laltlawmlova Chinzah
Chawngte P -Pu HC. Lalengkima
Sakeilui -Pu Sukriti Chakma
M. Kawnpui -Pi N. Sangnawni
Bungtlang South -Pu N. Rokunga
Sekulh -Pu Henry Lalruatsanga
Tuithumhnar -Pu KC. Malsawmdawngliana
Independent a ding tur Congress Party in a puih turte:
Lungtian -Pu Ricky H. Lalungruala
Paithar -Pu Sakhawliana
Chandmary -Dr. Lorrain Lalpekliana Chinzah