December ni 4 Lai Autonomous District Council inthlanpui neihtur atan inbuatsaihna ngawrhtakin kalpui mek a ni a, nimin atang khan Election a duty tur ten Training an nei tan
Tuntum election ah hian Sector Officer te tellovin, Election a duty tur mi 478 ruahman an ni a, vawiin atang khan Presiding Officer, First leh Second Polling Officer te tan Training neih tan niin, Hrileng vangin vawikhat ah kohkhawm vek an nilova, a tahtawlin training hi neih chhohpui an ni dawn a ni.
LADC Election a duty turte hi Training an neih hma in Hripui lak ah an fihlim leh fihlimloh District Hospital ah en vek an ni a, Hrilakah an fihlim tih chianna lehkha neite chauh Training ah hian an tel a, Returning Officer Lawngtlai DC, Dr.Andrew H.Vanlaldika chuan Training te hi a hmun ah vilin, District pawnlam atanga venhimhna thawktutur, Election a duty turte pawh an rawn kal hmain Hripui lak ah an fihlim leh fihlimloh enfiah hmasak vek an nih theih nan Returning Officer chuan State Election Commission ah rawtna a thlen tawh a ni.