Thla reilote chhungin hripui vanga tawrhna chu kan hmachhawn mawlh mawlh a ni ber a, a tir ah, India a him em ? Mizoram kan him em? Kan District a him em ? kan khua a him em? Kan veng a him em ? tunah chuan kan chhungkua, keimahni ngei kan him leh himloh ah kan buai chho mek ta, khing zawhna te khi hun reilote chhung a keimah ni zawhna awm leh kan buaipui a ni.
Lawngtlai District bikah hian Sorkar hmalakna hi Central YLA leh mipui lamin an thlawp tha takzet a, CYLA chuan Sorkar hmalakna piah lam ah mipuite him nan hmalakna pawh a kalpui nasa in, a tir a mipui himna tur lam a insawrbing thei kha, tunah chuan, hrikaite enkawlna atan a pawimawh tamtak ngaihtuah tel a ngai ta a, hengah hian Central YLA leh Branch YLA hruaitute ah fakawmin, District dang ah hetiang khawp a hri vanga Sorkar thawhpui thatna hi a tamlo viauin a rinawm.
Nang leh kei hi hri lakah hian kan him reng lo maithei, hrilak a tihtur leh tihlohtur hrilhnawn ngai tumah an awm tawh lovang. A pawimawh ber chu hri hi kan kai hnu a hlauh thar chi a nilo tih mipui lamin kan chian hi a ni.
Sorkar hian a tihtur a ngaih tihhleihtheihloh a nei tih a chianga, hnathawktute hmanga mipui an pun loh theihlohna chin pawh a awm zel in a rinawm, Lawngtlai District bik ah hian a tawp ah chuan tute pawn Central YLA lo chu tiin kan enzawn thup lo theilova, Central YLA hian a hranin sum a neilo, mi inphalte nasa zawka chetchhuah hun a inher chho deuh deuh in a rinawm.
YLA chuan a tihtur a hailo, invenna nei miahlo pawn hri hlauhawm tak vang hian ram palaileng ah riahbuk sualin, ram an lo veng tawh thin a nih kha. Pawisa nei miahlo pawhnise, YLA hi a tlanchhe dawnlo, hetihrual hian Sorkar leh mipui lam ten awmze nei zawka hrido nan an tihtur an hriat ve deuh deuh a tul viauin a hriat a ni.