December ni 4 ah Lai Autonomous District Council inthlanpui neihtur ah chuhtum a hmingpelut, inhnukdawk duhte tan a huntiam chu nimin tlai dar 4 khan a tawp a, Sekulh bial a Independent a din tum Malsawma Bru chuan a Nomination thehluh a hnukdawk a, tihian tuntuma LADC inthlanpui neihtur ah Bial 25 ah Candidate 72 an awm dawn ta a ni.
Tun dinhmun ah LADC Inthlanpui neih tur ah hian , MNF Party ten Bial awm zawng zawng 25 an chuhkim dawn a , Bharatya Janata Party ten bial 17 Candidate an dah a Indian National Congress in bial 14 ah Candidate dahin , Independent a chuh tum mi 16 an awm dawn ta a ni.
Bial 25 ah bial 11 chu Candidate pahnih awmna niin, heng bial 11 a bial 6, Lawngtlai College Veng, Sangau East, Sangau South, Sangau West, Cheural leh Vawmbul bial te chu BJP leh MNF Candidate in mal beihna tur niin, Lawngtlai Council Veng chu INC leh MNF inmalbeihna tur a ni a, a bak bial dang pali, Lawngtlai AOC, Pathar, Lungtian leh Lawngtlai Chandmary bialte chu MNF Candidate leh Independent Candidate in malbeihna tur an ni.
Candidate pathum awna bial riat awmin, heng zing ah bial pali chu BJP,INC leh MNF te inbeihna tur niin, bial thum chu INC,MNF leh Independent te inbeihna tur a ni a, bial khat chu BJP,MNF leh Independent candidate ten an inchuhtur a ni
Candidate pali awmna bial li leh Candidate panga awmna bial thum a awm dawn a, heng bial ah te hian BJP,INC leh MNF ten Candidate an neih theuh bak ah Independent Candidate an awm theuh bawk a ni.