December ni 4 ah Lai Autonomous District Council inthlanpui neihtur ah chuhtumte tan a hmingpek hun chu vawiin tlai dar 3 khan a tawp a, Returning Officer hovin hmingpekluhte hi endik nghal niin, tumah hnawl an awm lo.
Tun dinhmun ah LADC Inthlanpui ah hian chuhtuma hming pelut 73 an awm a, MNF Party ten Bial awm zawng zawng 25 ah chuhtumin hming an pelut a , Indian National Congress in bial 14 ah hming pelutin Bharatya Janata Party ten bial 17 ah an Candidate tur ten hming an pelut a , Indpendent a chuh tum mi 17 ten an hming an pelut bawk
LADC Inthlanpui ah chuhtum a hming pelut, inhnukdawk duhte tan karleh Thawhtanni Nov 23 tlai dar 4 thleng hun hawn a ni a, hemi hnu hian he inthlanna a dingtur diktak te chu hriattheih a ni ang.
Vawiin tlai dar 3 atang khan LADC inthlanna a chuhtumte hmingpek luh chu Returning Officer, Lawngtlai DC, Dr.Andrew H. Vanlaldika hovin, bial mal te te in endik nghal a ni a, hnawl an awmlo
Tags
News