LADC huamchhung ah, inthlanpui neih mai hmabak a nih vangin, hmuntin ah Politics chu titituiber a neih a ni ta fur a, LADC Inthlanna leh a behbawm a Politics virvel hi a sangin, a chhunga chengte ngei ngei tan pawh hriatfuh leh hriatthiam har a tling in a hriat a ni.
MDC bial te chu Vote tam tak hmuh ngai lemlova, tlem a Vote huikhawm thei tan chuan bial zuamawm a ni maizel a, heihian chhung leh khat intelkhawmna a hringchhuak a, Manifesto hmanga inbeihna aiin, tlintumna ngawr ngawr hmanga, hmanraw hrang hrang hmanga inbeihna chu a langsar zawk hial thin a hriat a, heihian, a nawlpuiin mitinte chu Politics mual a a hnuklut a, buaipui luai luai a hlawh chho ta thin a ni.
Bial mal tan enge hmachhawp an an neih a, engang dinhmun ah nge an bial mipuite hlankai an tum, Ram in hmasawnna a neih theih nan enge tih an tum a, ram leh hnam tan hmachhawp enge an neih tih te chu mipui lamin thlir en ah an en lutuklo thin laihi, ram thanmawhbawk bulpui niin a hriat a, hetatang a mipui te an talchhuah hi a pawimawh khawp mai.
Thuneihna inchuh leh tlingtur a beih hi Inthlanna ram a tihtur diktak a ni, hetihrual hian Politics kan buaipui dan luai luai hi chuan ram hmasawnna aiin mimal hamthatna um tuma beihna lam a kawk deuh thin in a hriat ani.