Lai Autonomous District Council a Executive Member, Local Administration changtu Pu Chhuanawma chuan LADC Sorkar in Village Council a Suspend te chu Politics a hamthatna hmuh tum a beihna a nih loh thu a sawi.
Nimina a The Lawngtlai Post in a kawmna ah Pu Chhuanawma chuan VC suspend tak te chu hekna awmvek, Commission in a chhuichian hnu a VC Dan dinglai behchhana Sorkar in a Suspend an nih thu a sawi a, MNF District Hqrs hruaituten, chhuanlam fahrah te te hmanga suspend anga an phuna chu belhchiandawllo a nih thu leh englaipawhin an thil tihdan chu enfiahtheih reng a ni a ti.
Pu Chhuan- awma chuan Suspend zing ah Congress VC pawh an tel thu sawiin, hekna awm bawhzuina kalzel ah Sorkar chuan Suspend phu a a ngaih vangin a suspend mai tih sawiin, MNF VC hrim hrim huphurh a thilti anga sawi chu, LADC a Village Council 95 ah MNF chuan VC 63 an nei a, an kut a 15th Finance Commission sum luttur ngaingamlova an puhna pawh, thuzawmze neilo a nih thu sawiin, Sorkar chuan hmasawna hna a thawhna Village Council te chu eng sorkar pawhnise thiltha tur ah chuan a thawhpui thei vek a, tun dinhmun ah MNF VC tamzawk daihna LADC Sorkar ah pawh 15th Finance Commission hnuai a hmasawnna hna thawhtur te chu VC kut ah dah tur a ruahman vek a ni a ti.
Executive Member hi Department Official te leh LADC a Information & Public Relations Officer in a tawiawm.