Sept 25 khan MNF District Hqrs hruaitute hian Lawngtlai Press Club ah Thuthar lakhawmtute kawmin tunhnai a LADC Sorkar in VC a suspend 14 zing ah VC 12 chu MNF VC an ni tih MNF hruaitute chuan an sawi a, Congress VC pahnih an suspend tel pawh an Party a tuitla tawhlo te an nih thu an sawi a, tunah hian VC thiahtum a Inquiry Commission tirh mekna VC 15 te chu MNF Party Sorkarna vek an ni thu an sawilang bawk.
Hetiang a MNF VC an suspend na chhan hi MDC inthlan a hnaih tawh vangin MNF VC hnuaia inthlan hmachhawn an huphurh vang leh Fiftheen Finance Commission atanga pawisa lo kal, MNF VC kut a a luh an hlauh vang a VC thiat a, thiahtur dang pawh dap zel an nih thu an sawi.
Chanchinbumite zawhna chhangin MNF hruaitute chuan Enquiry Commission ten VC thiahna tlak thu an hmuhloh pawh LADC Sorkar chuan chhuanlam siamin a thiat zel tih an sawi a, heng VC an thiah tak ah te hian Care taker atan Congress Party mi leh sa leh an thawhpui theihtur hlir an dah nghalzel a, hetiang a mipuiten an aiawh tur a an thlantlin te, chhuanlam mumal awmlova an thiat zung zung mai chu mipuite zahlohna a nih thu an sawi.