Hri vanga inkhuahkhirh na thlahdul chhoh mek a, LADC, Executive Committee chuan, LADC hnuaia thawkte leh Office dawrtu, mipui te hri laka an him nan in kaihruaina thar a tichhuak.
LADC hnuaia thawktu zawng zawngte chu Office inkaichhawk tihtawp a ni a, hrisellohna bik nei leh hri laka himlo zual a ngaihte chu chawlh pektheih an ni dawn a, Head of Office ten an Department theuh feltaka vawngin, Disaster Management & Rehabilitation Department lamin inkaihhruaina an siamte zawm tur a tih an ni a, heihian hrikailo tur a tihtur leh tihlohtur hrang hrangte, Office leh a chhehvel vawnfai thlengin a huam dawn a ni.
Office ah hnathawktute chu inkarhlat thei angber a awmtur a tih an ni a, midang nen an indawrin hmai an tuam ngei tur a ni, LADC Office dawrtu mipui tan phalna la hmasa lovin, Office chhung ah luh a rem dawn lova, LADC hall leh Picnic Spot khar chhunzawm a ni dawn a, Lai House leh Rest House te chu kaihhruaina mumaltak nen hawn a ni thung ang.