Mizoramah COVID-19 hri vei hmuh chhuah belh zel a nih laiin he hri leng laka Lawngtlai District mipuite an him zawk theih nan leh Mizoram sawrkarin September thla chhung atana inkaihhruaina a tihchhuah bawhzuiin Lawngtlai District Magistrate Dr Andrew H. Vanlaldika, chuan CrPC 1973 section 144-na tlawh chhanin thupek pahnih hi a chhuah.
1. Lawngtlai khawpui chhungah phalna nei lovin vantlang hmunah mi panga aia tam pun khawm loh tur.
2. Zan dar 8:30 atanga zing dar 4:30 inkarah Lawngtlai khawpui chhungah tu mah pawn chhuah loh tur a ni.
He thupek hian a hnuaia tar lante hi a huam lo vang:
1. COVID-19 official duty,
2. Medical duty,
3. Magistrate leh Police leh Home Guard duty-te,
4. Chanchinbu mi leh electronic media-a thawktute,
5. Fire & emergency service duty,
6. PHE leh P&E Department hnuaia emergency duty-te,
7. Medical emergency leh thihna avanga chhuah ngai, an veng VLTF lehkha keng,
8. VLTF member duty-te,
9. District Magistrate leh Sub-Divisional Magis trate-in phalna an pekte.
He'ng thupekte hian thu leh a awm a nih loh chuan September thla chhung a huam ang a. A bawhchhia chu IPC section 188-na hmangin hrem theih an ni ang.