Hrileng vanga inkhuahkhrihna, zawi zawi a thlahdul chhoh mek ah, nimin khan Lawngtlai DC, Dr.Andrew H.Vanlaldika hovin, District Level Task Force chuan Lawngtlai District a inthlahdulna (Unlock) kalpui dan tur an ngaihtuah.
State Sorkar in inkaihhruaina tur a siam te chu Lawngtlai District chhung ah chak zawk leh awmze nei zawka kalpui a nih theih nan ruahmanna hrang hrang siam a ni a, Mitthi vui nan Hall remchang human tur a tih chu, a ranglamin, mitthi vuina tur Hall neilo te zawnchhuah a, remchang ruahmansak nise an ti a,
Khawdang a zinchhuak tur chuan mahni awmna veng Task Force hnen ah report kimchang pein, an ni nen inberem in zinchhuah thin nise an tih bak ah, zin haw te pawh VLTF hnen ah, an veivahna kimchang nen in report thin tur a tih an ni.
Sorkar Office hrang hrang ah Social Distancing, tunaia ngaihpawimawh a nihtheih nan Department hotuten hma la se, mipui lam pawn, Sorkar Office ten inkaihhruaina dan an siam te zawm turin uar zawkin zirtirna pawh pek nise an ti bawk.
Nimin a Meeting ah hian Lawngtlai DC chuan, hri kailo tur leh thehdarh lo turin mitin te fimkhur zual a tul thu sawiin, Sorkar leh VLTF te hmalakna vangin Lawngtlai District chhung ah hri laka invenna kalpui mek chu, a tlangpui a thlirin a hlawhtling viau a, inkhuahkhirhna thlahdul hret hret a nih rualin, awmze nei a inkhuahkhirhna kalpui a tul vangin VLTF te pawimawhna chu a nasa tual tual ani a ti.