Hripui vangin nunphung a buai a, heihian nghawng a neih len zing ah zirna kalphung a tibuai hi a ni pha hial ang.
Zirna pawimawhzia ram hruaituten an hria a, zirna khairuallo a awm pawh sorkar chuan a hlauhber a ni hial ang. Hetihlai hian, hrilen hma a kalphung ang in a kaltheih lova, Online Class pawh hmun engemawzat ah chuan kalpui a ni chho mek a ni.
Online Class hian a kentel ngei ngei ngai chu, Computer emaw Laptop emaw, Smart Phone emaw zirlaiin a neih a ngai a, Internet thatak a neih a ngai bawk. Nu leh Pa tamtak tan chuan phurrit a ni nghal thei ang.
Naupang kut ah Smart Phone a awm in, Nu leh Pa ten an thunun zawhloh fa an neih phah an hlau ngei ngei bawk ang.
Thil reng reng hian kil lehlam a nei an tih angin, kan hmazawna kan tihtur awm ah, a thalolai hmuh len chiam hian, thiltha a hring chhuak lemlovin a hriat a, Online Class pawh hi Sorkar in kalpui tur a a ruahman a nih chuan, a thalo lai chu engtianginnge kan hneh ang tih a Zirtirtu leh Nu leh Pa te pawn ngaihtuahna an sen tlan a tul a, a theih chin chin ah Zirtirtu chuan naupang chuan, tullovah a online em tih te an enzui a tul a, thilthar, kan hmachhawn ah, a beidawng zawng nilova kan thlir thiam a tulin a hriat a ni.